ಹಾಡೋಣ ಬಾ ಗಿಳಿಯೇ

ಭಾವವರಿಯದಾದೆಯಾ ಓ ಗಿಳಿಯೇ ?

ಭಾವ ಮನದೊಳುಕ್ಕಿಸಿ ಹಾರ ಹೊರಟೆ ಎಲ್ಲಿಗೆ ?

ಭಾವ ಶೃಂಗಾರವಾದಿತೆಂಬ ಭಯವೇ ?

ನಿನ್ನ ಹಾಡಿಗೆ ನನ್ನ ಮೈ ಮೇಲೆ

ಹೊಸ ರೆಕ್ಕೆ ಪುಕ್ಕಗಳ ಸಂಭ್ರಮ

ಉಸಿರು ನಿಲ್ಲುವ ಹಾಗೆ ನಿನ್ನ ಹೆಸರು ಹೇಳಲೇ ?

ನೀ ಹಾರದ ಹಾಗೆ  ಜೋರಾಗಿ ಉಸಿರೆಳೆದು  ನಿರ್ವಾತ ಸೃಷ್ಟಿಸಲೇ ?

ಹಿತವಾಗಿ ರೆಕ್ಕೆಯೊಂದಾಗಿಸಿ ನೆನೆಯಬಾರದೆ? ನೀ ಕುಣಿಯಬಾರದೆ?

ನನ್ನ ಒಂಟಿ ಗೂಡಿನ ಅತಿಥಿ ನೀ ಆಗಬಾರದೇ ?

ಚಳಿಗೆ ನಡಗುವ ಹಾಡುಗಳ ಸಾಲಿಗೆ ಒಣಗಿದ ಗೂಡಿನ ಕಸಕಡ್ಡಿಗಳು ಚಿಗುರಿವೆ

ಹಸಿವಾಗಿರಬಹುದು ಸಿಹಿ ಗೆಣಸು ಹೆಕ್ಕಿ ತಂದು ತಿನಿಸಲೇ ?

ಪಂಜರಗಳು ಕಾಯುತಿಹವು ಸೆರೆ ಹಿಡಿಯಲು ನಮ್ಮನು

ನನ್ನ ಕೊನೆಯ ಆಸೆ ನಿನ್ನ ಜೊತೆ ಒಂದೇ ಪಂಜರದ ವಾಸ

ಬಹುಷ: ಆವಾಗ್ಲಾದ್ರೂ  ನನ್ನ ಅನಿವಾರ್ಯತೆ ನಿನಗೆ ಅರ್ಥ ಆಗ್ಬಹುದು...!