ಪ್ರೇಮ ಕಸ್ತೂರಿ

ನಿನ್ನ ತೋಳುಗಳಲಿ ಬಂಧಿಯಾಗಲು

ಪ್ರತಿ ಸಂಜೆಯು ವಿನೂತನ

ನನ್ನ ಮನದ ತುಂಬೆಲ್ಲ ಬೀರಿದೆ

ನಿನ್ನ ಮನದ ಕಸ್ತೂರಿಯ ಪರಿಮಳ

ತಂಗಾಳಿಯ ಬೀಸಣಿಕೆಗೆ ನಿನ್ನ ಸೆರಗಿನ ಪರದಾಟ

ಮುಂಗುರುಳು ಮಳೆ ತರಿಸುವ ಕಾರ್ಮೋಡವು

ಪ್ರೇಮ ಸುಧೆಯು ಕಣ್ಣಂಚಿನಿಂದ ಸುರಿಯಲು

ಮನವು ಚಡಪಡಿಸುತಿದೆ ಈ ಅಮೃತ ಸವಿಯಲು

ನನ್ನ ತೋಳುಗಳಲಿ ಬಿಗಿದಪ್ಪಿಕೊಳ್ಳಲೇ?

ಪ್ರೀತಿಯ ಚುಂಬನ ನಿನಗೆ ನೀಡಲೇ?

ಯವ್ವನದ ಅದರ ಜೇನಿನ ರಸವು ತುಳುಕಿ ಪೋಲಾಗದಂತೆ !

ಸೌಂದರ್ಯ ಸಾಗರದ ಲಹರಿಯು ನಿನಗಾಗಿ

ಬೆಳ್ಳಿ ಮೋಡದ ಚೆಲುವು ನಿನಗಾಗಿ

ಪ್ರೇಮ ಪುಷ್ಪಗಳು ಅರಳುವ ಸಮಯ

ಇಂದು ಒಂದಾಗಿ ಅಳಿಸೋಣ ಬಾ ಈ ದೂರವನು

ಕಾಮನಬಿಲ್ಲಿನ ಬಣ್ಣವ ಕದ್ದು

ನಿನ್ನ ಹಣೆಯನು ಸಿಂಗರಿಸುವೆ ನಾ...

ನಿನ್ನ ತೋಳುಗಳಲಿ ಬಂಧಿಯಾಗಲು

ಪ್ರತಿ ಸಂಜೆಯು ವಿನೂತನ...