ನಮ್ಮತನ

ಯಾಕಾದ್ರು ಬಂದೇ ನನ್ನ ಜೀವನದಲ್ಲಿ ಅಂದಳು ಅವಳೊಂದು ದಿನ

ಆದರೂ ನಾ ಭೇಟಿಯಾದಾಗಲೆಲ್ಲ ಆ ಮುಖದಲ್ಲೇನೋ ಹೊಸತನ

ಮರೆತೆ ನಾ ನನ್ನತನ, ಅವಳು ಅವಳ ತನ್ನತನ

ಗೊತ್ತೆಯಾಗಲಿಲ್ಲ ಸಂಭೋದನೆಗಳು ತಿರುಗಿದ್ದು ನಮಗೆ ಬಹುವಚನದಿಂದ ಏಕವಚನ

ನಮ್ಮತನ ಬೆಳೆಸಿಕೊಂಡೆವು ನನ್ನತನ್ನಗಳ ಬಿಟ್ಟು

ಶಾಲಾ ಮಕ್ಕಳಂತೆ ಕಿತ್ತಾಡಿದೆವು ಕ್ಷುಲ್ಲಕ ಕಾರಣ ಮುಂದೆ ಇಟ್ಟು

ಒಬ್ಬರ ಮೇಲೊಬ್ಬರು ಏನೇನೋ ಅಂದುಕೊಂಡೆವು ಸ್ವಲ್ಪ ನಾಚಿಕೆ ಬಿಟ್ಟು

ಮರುಕ್ಷಣವೇ ಮತ್ತೆ ಒಂದಾದೆವು ಎಲ್ಲ ಸ್ವಾಭಿಮಾನವ ಬಿಟ್ಟು

ಕಳೆದಿವೆ ನನ್ನ ನಿನ್ನ ಸ್ನೇಹ ಬೆಳೆದು ಮೂರನಾಲ್ಕು ವಸಂತ

ಅಂದಿನಿಂದ ಇಂದಿನವರೆಗೂ ಲೋಕವೆಲ್ಲ ಸ್ತಬ್ಧಚಿತ್ರವಾಗಿ ನೀನೊಬ್ಬಳೆ ಜೀವಂತ

ಓಡುತಿಹರು ಜನರು ಏಕಚಿತ್ತದಿಂದ ಗುರಿಯನರಸಿ ಅತ್ತಿತ್ತ

ನಾನೆತ್ತ ಓಡಲಿ ಎನ್ನ ಚಿತ್ತ ನೀನಾಗಿರಲು, ಎನ್ನ ಗುರಿಯೇ ನೀನಾಗಿರಲು.....?