ಸತ್ತರೂ ಬದುಕುವ ನಗು

ಮಗುವ ನಗು ನಿನ್ನ ನಗು

ಹಾಲು ನೊರೆ ನಿನ್ನ ನಗು

ನಿನ್ನ ನಗುವಿಲ್ಲದ ನನ್ನ ನಗು

ನಕ್ಕರೂ ಶೋಕದಂತೆ ಕಾಣುವ ನಗು

ಕಳೆದು ಹೋಗಿದೆ ನಿನ್ನ ನಗು

ನನ್ನ ನೆನಪಿನ ಹಿತ್ತಲಲ್ಲಿ

ಮತ್ತೆ ಮುಂದೋಡಿ ಕಾಡಿದೆ

ನೀನಿಲ್ಲದ ಅಂಗಳದಲ್ಲಿ

ಅದೇ ನಾವಿಬ್ಬರು ಬೆನ್ನು-ಬೆನ್ನು ಹಚ್ಚಿ ಕೂರುತ್ತಿದ್ದ ಅಂಗಳದಲ್ಲಿ

ಕೃಷ್ಣ ಪಕ್ಷದ ಬಾನಿನಲ್ಲಿ

ಅದೇ ಚಂದ್ರನಿಲ್ಲದ ಬಾನಿನಲ್ಲಿ.....!


ಚಂದ್ರನಿಲ್ಲದ ಬಾನಿನಲ್ಲೂ ನಿನ್ನ ನಗು ಕಂಡಾಗ

ಅಂದೇ ಹುಟ್ಟಿ-ಸತ್ತ ಕೆಲ ಹೂ-ಬಳ್ಳಿಗಳು ನಕ್ಕವು

ನಕ್ಕು ಮತ್ತೆ ಸತ್ತವು, ಸತ್ತರೂ ಮತ್ತೆ ನಕ್ಕವು

ನಾನೂ ಚೂರು ಹಾಗೆಯೇ ನಿನ್ನ ನಗು ಕಂಡರೆ

ಸಾವು-ಬದುಕು ಎರಡೂ ನಿನ್ನ ನಗುವ ಜೊತೆಯೇನೆ.....!