ಪಾನಮತ್ತ ನಯನ

ತುಳುಕಿಸು ನಿನ್ನ ನಯನದಿಂದ ನಶೆಯೇರಿಸುವ ಪಾನ

ಈಜು ಬಂದರೂ ಮುಳುಗುವ ಬಯಕೆ ಹುಟ್ಟಿಸೋ ನಿನ್ನ ಮತ್ತಿನ ಪಾನ

ಮುಳುಗಿ ದಡ ಸೇರಿದರೂ ಮತ್ತೆ ಜಿಗಿಯುವ ಹಠ ನನ್ನಲ್ಲಿ

ನಿನ್ನ ನಶೆಯೇರಿಸುವ ಪಾನ ಬತ್ತುವವರೆಗೂ ನನ್ನ ಉತ್ಸಾಹ ಕಡಿಮೆಯಾಗದಿಲ್ಲಿ

ಓ ಮುಗ್ಧ ಮುದ್ದು ಕೊಲೆಗಾರಳೆ

ಏಕೆ ಕೊಲ್ಲುತಿರುವೆ ಈ ಪರಿ

ನಿನ್ನಂತರಂಗ ಮೀಟಲು ನನಗವಕಾಶ ಬೇಕಿದೆ ಒಂದು ಸಾರಿ

ಕೊಡುವುದಾದರೆ ಹೇಳು ಎನಗೆ ಸರಿ

ನನ್ನ ಜರಿಯದೆ ನನ್ನತ್ತ ಜರಿ

ಹರಿಸುವೆ ನಾ ಪ್ರೇಮದ ಝರಿ

ಆದರೆ ಸುಮ್ಮನೆ ಮೋಜಿಗೂ ನೋಡಬೇಡ ನನ್ನತ್ತ ನೀ ಕೊಲ್ಲುವ ಪರಿ

ಈ ಕೆಂಬಣ್ಣ ಯಾವಾಗ ನನ್ನ ಕೈಬಿಡುವುದೆಂದು ನನಗರಿಯದು

ಅದು ನನ್ನ ಕೈಬಿಡುವುದರೊಳಗೆ ನೀ ಹಿಡಿದರೆ ಒಳ್ಳೆಯದು

ಇಲ್ಲವಾದರೆ ಕೆಂಪು ಪಾನ – ಕಣ್ಣ ಬಾಣಗಳ ಚಕ್ರವ್ಯೂಹ ಕೊಲ್ಲದೆ ನನ್ನನ್ನು ಸುಮ್ಮನಿರದು.....!

*ಕೆಂಬಣ್ಣ = ಸಾರಾಯಿ