ಮನ ತೂಗುಯ್ಯಾಲೆ

ನೀನಿಲ್ಲದ ಹಾಸಿಗೆ

ಮುಳ್ಳಿನ ತೂಗುಯ್ಯಾಲೆಯಾಯಿತು

ನಾನು ಪಟ್ಟ ಪಾಡು

ಭೀಷ್ಮನಿಗಿಂತ ಅತೀಯಾಯಿತು

ನೀ ದೂರ ಹೋದಾಗ

ಸೇರಬೇಕೆನ್ನುವ ಆಸೆ

ನೀ ಬಳಿ ಸೇರಲು ಬಂದಾಗ

ಪ್ರತಿಧ್ವನಿಸುತ್ತೆ ಈ ಮನ ಇದು ಪಾಪ ಓ ಕೂಸೆ ಇದು ಪಾಪ

ಮಂಜಿನಂತೆ ಮಸುಕಾಗಿರಲು ನಮ್ಮ ಭವಿಷ್ಯ

ಏಕೆ ಈ ಎಡವುವಾಸೆ? ಏಕೆ ಈ ಎಡವುವಾಸೆ?

ಮೋಡಗಳೆಲ್ಲ ತಬ್ಬಿಕೊಂಡಿರಲು ಚಂದ್ರಮನನ್ನು

ತಪ್ಪಿ ಅದ ನಾ ನೋಡಿದಾಗ

ಮತ್ತೆ ಹಾಡಿತು ಕೋಗಿಲೆ ಮುಂದಿಟ್ಟಿತು ಅದೇ ಆಸೆ

ಛೆ, ಏನು ಹೇಳಲಿ ಮತ್ತೆ ಅದೇ ಮುಳ್ಳಿನ ಹಾಸಿಗೆ,

ಅದೇ ಭೀಷ್ಮ ಸಂಕಟ, ಅದೇ ಪಾಪ ಪ್ರಜ್ಞೆ.....!

ನೀವೇ ಹೇಳಿ ಯಾವುದು ಉಚಿತಾನುಚಿತ.....?