ಪ್ರೀತಿಯ ಸೋಂಕು ತಾಗಿ ನಿನ್ನ ನೆನಪಾದಾಗ
ತಬ್ಬಿಕೊಳ್ಳಲು ನೀನಿಲ್ಲದೆ ಜೊತೆಗೆ...
ನಿನ್ನ ನೆನಪಿನ ಕಣ್ಣೀರು ಧುಮುಕಿ
ಕನ್ನಡಕವನು ಆಲಂಗಿಸಲು
ಬಿಕ್ಕಿ ಬಿಕ್ಕಿ ಅತ್ತು ಕಲೆಯಾಗಿದೆ
ಪ್ರೀತಿಯಲಿ ಈಗ ಕಣ್ಣು – ಕನ್ನಡಕ ಮಂಜು ಮಂಜು..
ಕಣ್ಣೀರ ಧಾರೆಯು ಕೆನ್ನೆಯ ಬಳಸಿ
ಕಿವಿಗೆ ಸೇರಲು ಸಾಂತ್ವಾನದ ಕೂಟ
ಕಣ್ಣೀರ ಪಯಣ ಮುಂದೆ ಸಾಗಿ
ತಲೆದಿಂಬಿನಲ್ಲಿ ಸಂಗಮ...
ಕನ್ನಡಕ-ತಲೆದಿಂಬಿನ ಮೇಲೆ ಕಣ್ಣೀರ ಕಲೆಗಳ ಚಿತ್ತಾರ
ಕಣ್ಣೀರ ಕಲೆಗಳ ಸಂಘಟನೆಯ ಮುಷ್ಕರ
ನೀನಿರುವೆಡೆ ನಾ ಬೇಗ ಸಾಗಲೆಂದು
ತಾಳ್ಮೆ ಕಳೆದು ಮತ್ತೆ ಕಣ್ಣಿನ ಹಿಂಸಾಚಾರ ...!
ನಿನ್ನ ಪ್ರೀತಿ ಮಾಡಲು
ನಿನ್ನ ಪ್ರೀತಿಯ ಪಡೆಯಲು
ಮನವು ಇಂದು ರಣರಂಗ
ನಾನಾ ಬಗೆಯ ಭಾವನೆಗಳಿಗೆ ಸೆರೆ ಸಿಕ್ಕ
ಹೊಡೆತಕೆ ಮನವಿಂದು ಚಡಪಡಿಸಿದೆ...
ಸೇರುವೆ ನಿನ್ನನು ಕೂಡಲೇ
ಕಣ್ಣಿಗೆ ಸಾಂತ್ವಾನ ನೀಡಿ ಪ್ರೀತಿಸುವೆಯಾ ?
ಆನಂದ ಭಾಷ್ಪಕೆ ಸಹಕರಿಸುವೆಯಾ ?