ಹೇಳಿಬಿಡು ಓ ಒಲವೇ
ನೀ ಸುಮ್ಮನೇಕೆ ಕೊಲ್ಲುವೆ
ನಿನ್ನ ಮನದಾಳದ ಮಾತನು...
ಈ ಮೌನವ ನಾ ಸಹಿಸೆನು
ಅಭ್ಯಾಸವಾಗಿ ಹೋಗಿರುವೆ ನೀ
ಚೂರು ಮರೆಯಾದರೂ ನಾ ತಾಳೆನು
ನನ್ನುಸಿರಿಗಿಂತ ಹತ್ತಿರ ನೀ
ಬಲ್ಲೆಯಾ ಈ ಮಾತನು
ನಾನುಸಿರು ಬಿಟ್ಟರೂ ನೀನು ನನ್ನಲ್ಲೇ
ಉಸಿರು ತುಂಬಿ ಉಳಿಸು ಬಾ ನನ್ನನು
ನೆರಳಿಗಿಂತ ಹತ್ತಿರ ನೀನು
ಹಿಂಬಾಲಿಸುವೆಯಾ ನನ್ನನು ?
ಅತಿಯಾಗಿ ಪ್ರೀತಿಸುವೆ
ಮರೆಯದೆ ಸ್ವಲ್ಪ ಪ್ರೀತಿಸುವೆಯಾ ನನ್ನನು ?
ಚೂರು ಸಹಿಸುವೆಯಾ ನನ್ನನು ?
ಮನದ ಭಾವನೆಗಳು ಬಿಕ್ಕಿ ಬಿಕ್ಕಿ
ಅಳುತಿವೆ ಸಂತೈಸುವೆಯಾ ನನ್ನನು ?
ನಿನ್ನಗಲಿ ನಾನಿರಲಾರೆ
ನೀನಿಲ್ಲದೆ ನಾನಿರಲಾರೆ
ಕಣ್ಣೀರಿಗೆ ಪೂರ್ಣ ವಿರಾಮ ನೀನಾಗುವೆಯಾ?
ಹೇಳಿಬಿಡು ಓ ಒಲವೇ
ಸುಮ್ಮನೇಕೆ ನಿಂತಿರುವೆ...
No comments:
Post a Comment