ಪ್ರೀತಿಸಲೇ? ಇಲ್ಲವೇ ಮರೆತು ಬಿಡಲೇ?

ನೀನೆ ಹೇಳಬಾರದೆ ಇಂದು

ನಿನ್ನ ಪ್ರೀತಿಸಲೇ ಇಲ್ಲವೇ ಮರೆತು ಬಿಡಲೇ ?

ಕೊಡುವೆಯಾ ನಿನ್ನ ಮನದ ವಿಳಾಸವಿಂದು

ನಿನ್ನೆದುರು ಹೃದಯದ ಮೂಲೆ ಮೂಲೆ ದಹಿಸಿ ಬಿಡಲೇ ?

ಆಲಿಸುವೆಯಾ ನೀನು ನಾನಾಡದ ಮಾತನು

ಇಷ್ಟು ಹೇಳಿ ಮುಗಿಸಲೇ ?

ನನ್ನ ಪ್ರೀತಿಯ ಮೇಲೆ ಹಿಡಿತ ತಪ್ಪಿ

ಮನವು ಸೋತು ಅಳುತಿದೆ

ಆದರೂ ಮನವು ಬಯಸಿದೆ ನಿನ್ನ ಮನದ ಭೇಟಿಗೆ...

ಹೇಳಿ ಬಿಡು ನೀನಿಂದು

ಪ್ರೀತಿಸಲೇ ಇಲ್ಲವೇ ಮರೆತು ಬಿಡಲೇ ?

ಹಿಂದೆಂದೂ ಬಯಸದ ಭಾವನೆಗಳು ಅರಳಿವೆ

ಬೇರೆ ಯಾರ ಭೇಟಿಗೂ ಕಾಯದೆ

ನಿನ್ನ ಪ್ರೀತಿ ಭಾಷೆಗೆ ಮನವಿಂದು ಚಡಪಡಿಸಿದೆ

ಗೊಂದಲವನು ಬಗೆಹರಿಸಿ

ಮನದ ಕೀಲಿ ಕೊಡುವೆಯಾ?

ಹೇಳಿ ಬಿಡು ನೀನಿಂದು

ಪ್ರೀತಿಸಲೇ ಇಲ್ಲವೇ ಮರೆತು ಬಿಡಲೇ ?

ನನ್ನ ಪುಟ್ಟ ಪುಟ್ಟ ಕನಸುಗಳು

ಕನಸಿನಲ್ಲಿನ ಭಾವಗೀತೆ, ಗೀತೆಯಲ್ಲಿನ ಭಾವವು

ಭಾವದಲ್ಲಿನ ಜೀವವು, ಜೀವದಲ್ಲಿನ ಒಲವು,

ಒಲವಿನಲ್ಲಿನ ಪ್ರೀತಿಯು....

ನೀ ಭೇಟಿಯಾಗದ ಕನಸು ಕೂಡ ಬೇಡವಾಗಿದೆ ನನಗೆ ಇಂದು 

ಹೇಳಿ ಬಿಡು ನೀನಿಂದು

ಪ್ರೀತಿಸಲೇ ಇಲ್ಲವೇ ಮರೆತು ಬಿಡಲೇ ?

ಬಿಗಿದ ತುಟಿಗಳನು ಬಿಡಿಸಿರುವೆ ಕೇಳು

ನನ್ನ ಭರವಸೆಯು ನೀನು

ನನ್ನ ಏಕಾಂತದ ಕನಸು ನೀನು

ನನ್ನ ಮನಕೆ ಹೆಣೆದ ಬೆಚ್ಚನೆಯ

ಭಾವನೆಗಳ ಎಳೆ-ಎಳೆಯು ನೀನು

ನಿನ್ನ ಪ್ರೀತಿಯಲಿ ಮುಳುಗಿರುವೆ ನಾನು

ನೀನಿರುವ ಕನಸುಗಳಲಿ ಮಾತ್ರ ಜೀವಂತ ನಾನು

ಇನ್ನೆಂದೂ ಕೇಳೆನು ನಾ ನಿನಗೆ

ಪ್ರೀತಿಸಲೇ ಇಲ್ಲವೇ ಮರೆತು ಬಿಡಲೇ ?